उपचारको क्रममा दिल्लीमा निधन भएका चलचित्र नायक श्रीकृष्ण श्रेष्ठको शव नेपाल ल्याइएको छ । एयर ईन्डियाको विशेष बिमानबाट उनको शव नेपाल ल्याइएको हो । त्रिभुवन बिमानस्थलबाट उनको शवलाई प्रज्ञा प्रतिष्ठानमा लगिनेछ । प्रतिष्ठानमा अन्तिम श्रद्धाञ्जलीपछि शवलाई आजै दाह संसार गर्ने कार्यक्रम छ । उनको शवलाई दाह संस्कारको लागि प्रज्ञा प्रतिष्ठानबाट कमलपोखरी, गौशाला हुँदै पशुपति आर्यघाट लगिने जनाइएको छ । उनलाई अन्तिम श्रद्धाञ्जली व्यक्त गर्न सयौंको सख्ंयामा समर्थक र चलचित्रकर्मीहरु बिमानस्थलमा जम्मा भएका छन् । उनको सम्मानमा राष्ट्रिय झण्डा ओढाइने र प्रहरी टोलीले आर्यघाटमा अन्तिम सलामी दिने बताइएको छ । सरकारले कलाकारलाई पहिलो पटक यस्तो सम्मान दिन लागेको हो ।