सेनाको दोस्रो प्रयास पनि विफल ताल कसरी फुटाउने भन्नेमा अझै अन्योल,सुरक्षा निकायको बैठक बस्दै (अपडेट) चौतारा ,साउन१७–सिन्धुपाल्चोक,साउन१७–सेनाले दोस्रो पटक पहिरोले बनेको ताल फुटाउन प्रयास गरे पनि सफल हुन सकेन । सेनाले बम पडकाएर गरेको ताल फुटाउने प्रयास असफल भएको हो । यसअघि पनि सेनाको बम हानेर ताल फुटाउने प्रयास विफल भएको थियो । त्यहाँस्थित हाम्रा समाचारदाता जीवन कुँबरका अनुसार सेनाले वम प्रहार गरेर ताल फुटाउने प्रयास गरे पनि ढुंगाले भरिएर जलाशय बनेकाले कठिन बनेको छ । उनका अनुसार तत्काल बनेको ताल फुट्ने सम्भावना कम छ । —————————————– सिन्धुपाल्चोकको माङ्खा गाविसस्थित जुरे भन्ने स्थानमा पहिरोले थुनिएको सुनकोसी नदी भरिएर विस्तारै पानी बग्न लागेको छ । त्यहाँस्थित हाम्रा समाचारदाता जीवन कुँबरका अनुसार अहिले पहिरोले परिएर बनेको तालबाट विस्तारै पानी बग्न थालको छ । सबैलाई सुरक्षित स्थानमा जान प्रहरीले आग्रह गरे पछि खोलाभन्दा निकै माथि हाम्रा संवाददाता रहेका छन् । पानी खुलाएर आएको हो वा पानी धेरै जम्मा भएर बग्न शुरु भएको हो त्यसको पुष्टि हुन सकेको छैन । प्रहरीले भने सेनाले केही समयपछि पहिरो खोल्ने प्रयास गर्ने छन् । उता,आकस्मिक रुपमा यस्तो विपत्ति आइलागे पनि सरकारको कामकारबाहीमा भने निकै नै सुस्तता देखिएको छ । विहान ३ बजे नै घटना भए पनि सरकारले अहिलेसम्म नदि थुनेर बनेको ताल फुटाउन के गर्ने भन्ने निर्णय लिन सकेको छैन । त्यहाँस्थित हाम्रा सहकर्मीका अनुसार अहिले प्रमुख जिल्लाअधिकारीसहित सुरक्षा प्रमुखहरु के गर्ने भन्ने विषयमा निर्णय गर्न छलफलमा जुटिरहेका छन् । चट्टानको ढिस्को नै बगेर खोला थुनिएकाले अत्यन्त कठिन भइराखेको बताइएको छ । घटनास्थलमा खटिएका डिएसपी भरत बोहराका अनुसार अहिलेसम्म ९ जनाको शब फेला परेको छ ।