चर्चित डन ‘चरी’ मुठभेडमा मारिए चर्चित डन दिनेश अधिकारी ‘चरी’ मुठभेडमा मारिएका छन् । उनीमाथि काठमाडौं र धादिङको सीमामा पर्ने भीमढुंगामा उनीमाथि गोली प्रहार भएको हो । हत्या प्रयासको अभियोगमा ६ महिनादेखि फरार रहेका ‘कुख्यात गुन्डा’ दिनेश अधिकारी ‘चरी' प्रहरीको गोलीले मारिएका छन्। काठमाडौं सीतापाइलामाथि भीमढुंगामा* केहीबेरअघि उनीमाथि गोली प्रहार भएको थियो। उनको शव सीतपाइलाबाट ६ किलोमिटरमाथि धादिङ जाने बाटोमा सडकको देब्रेतिर थियो। शवनजिकै मोटरसाइकल ढलेको अवस्थामा थियो भने कालो पेस्तोल पनि सँगै थियो। ८ राउन्ड गोली लाग्ने म्यागेजिनमा एक राउन्ड मात्र गोली बाँकी थियो। सामान्यत: लामो कपालमा देखिने ‘चरी’ले कपाल खैरिएर हुलिया बदलेका थिए। उनले प्रहरीमाथि सात राउन्ड फायर गरेको प्रहरी अधिकारीले जनाएका छन् ।महानगरीय प्रहरी अपराध महाशाखाका प्रमुख एसएसपी पुष्कर कार्कीका अनुसार उनलाई पछ्याउँदै गएको प्रहरी टोलीलाई गोली फायर गरेपछि जवाफी फायर गर्दा ‘चरी’लाई गोली लागेको हो। -